http://klarchdiocese.org.ug/images/sampledata/home/slide3.jpg.jpghttp://klarchdiocese.org.ug/images/sampledata/home/sliide1.jpghttp://klarchdiocese.org.ug/images/sampledata/home/sliide2.jpg

ATEGA OGUMU TALIIRA

Bwanamukulu essira alitadde ku kulima butunda

ATEGA ogumu taliira. OKUKOLA emirimu gya Klezia kirungi, wabula bw’omaliriza okulyowa abantu emyoyo kikulu okukola n’emirimu emirala egikuyamba okukuyimirizaawo.

Fr. Joseph Kimbugwe 47, Bwanamukulu w’ekigo ky’e Buyege e Wakiso, Ssaza ekkulu erya Kampala ekigambo akigasseeko okulima n’okulunda.

 

Fr. Kimbugwe mulimi, alima ebintu eby’enjawulo okuli obutunda, entula, emicungwa, ennyaanya, lumonde n’ebirala. Mu by’alunda mulimu embizzi n’embuzi nga ffaamu yagitandika mwaka guwedde.

 

LWAKI YASALAWO OKULIMA

Fr. Kimbugwe agamba: Nasalawo okwenyigira mu bulimi n’obulunzi okuwa ekyokulabirako eri Abakristu naddala abali mu kyalo abalina n’ettaka kwe basobola okukolera nabo banjigireko bye nkola ate bagende mu maka gaabwe babiteeke mu nkola.

Ekigo kirina ettaka erisoba mu yiika 100, ate ekitundu kyaliwo nga tewali kikolebwako kwe kusalawo okutandika okulikozesa.

 

OBUGAZI BWA FAAMU

Obutunda buli ku yiika emu, kasooli yiika ssatu, lumonde yiika bbiri n’ebirala. Amaanyi njagala kugateeka ku butunda, wadde nga natandika ne yiika emu naye njagala okulaba nga ngaziya omulimu guno okulimira ddala awantu awagazi.

Fr. Kimbugwe ng’abikka ennimiro y’obutunda bw’alima.

 

EKIKA KY’OBUTUNDA KY’ALIMA

Nnima obutunda ekika kya UPF 12 abangi bwe baakazaako obutunda Obuganda, ekirungi ekikaliko kakola ssupu omulungi ate nga kalina akawoowo ekikawa enkizo mu katale ku butunda obulala.

Ekirala kano ekitandaalo kyako bw’oba ng’okirabiridde bulungi kisobola okuwangaala emyaka egisoba mu ebiri, kyokka bw’oba omaze okunoga kasobola okuweza wiiki ezisukka mu bbiri nga kalamu olumu n’okusingawo.

Ssinga omusana gukakwata, tekafa mangu ate bw’oba ng’olinawo ku mazzi n’ofukirirako, oba oddidde ejjinja limu n’okuba ebinyonyi bibiri kubanga ekitandaalo kiwangaala ate ne kasigala nga kakuba ebimuli ne kikusobozesa okukanoga ebbanga eddene nga towummudde.

 

ENNIMA EY’OMULEMBE

Obutunda mbusimba mu nnyiriri nga mbuwa amabanga ga ffuuti 8 ku 8 okusobola okweta obulungi, n’obutakola nzigotta nga bulinnye ekitandaalo. Ku wiiki esooka nga mmaze okusimbuliza nsooka kuteekako kigimusa kya NPK ekibuyamba okusituka nga bw’amaanyi ate oluvannyuma lw’emyezi esatu ne nteekako CAN abuyamba mu kukuba n’okukwasa ebimuli obulungi. Olw’okuba obutunda mbeera mbusimbye mu nnyiriri, enkondo zinnyanguyira kuba wakati w’ebikolo ebibiri nteekawo ekikondo.

Nnina okubukuuma nga temuli muddo, okubukubako amakoola n’okusalira, kuba buli lwe bukwata enzigotta ate tebubala.

Ekirala obutunda enkuba ng’etonnya olina okufuuyira buli luvannyuma lwa nnaku ttaano, kyokka mu biseera by’omusana omala ennaku 10 n’oddamu okufuuyira.

Akatunda kafuuyire okuva ku kikolo wansi okutuuka waggulu okusobola okulwanyisa endwadde.

 

AKATALE K’OBUTUNDA

Akatale kanene, abasuubuzi bajja ku ffaamu ne babugula kyokka n’abantu ssekinnoomu nabo babutwala okwo gattako okubutunda wano ku kigo, kyokka kati waliwo aba wooteeri ennene abaagala nabo ntandike okubaguza obutunda.

 

EBISOOMOOZA

Ekimu ku bisoomooza kwe kuba nti embeera y’obudde ekyukakyuka, omusana gwaka ekivaako obutunda n’ebirime ebirala obutakula bulungi.

Ky’ova olaba ng’abantu balina okufaayo okuddamu okusimba emiti n’obutakozesa bubi ntobazzi okusobola okumalawo ekizibu ky’enkuba obutatonnya mu biseera.

 

OBUYIIYA

Okusobola okufuna mu nnimiro nasalawo okulima entula mu nimiro y’emu n’obutunda. Kino nakikola kubanga eddagala erifuuyira obutunda lye limu erifuuyira n’entula.

Kino kitegeeza nti, eddagala eriva waggulu ku kitandaalo nga tufuuyira ate ligwa ku ntula nazo ne zifuna okusinga okugwa ku ttaka ne ligendera obwereere.

Olw’okuba obutunda bwange ekika kirungi, ngenda kutandika okwemereza endokwa olwo ndekere awo okuzigulanga nga nnyongera okugaziwa.

 

OKWONGERAKO OMUTINDO

Essaawa eno sinnaba kutandika kwongerako mutindo ku butunda, wabula mu bbanga eritali ddene njagala kufunayo obuuma obutonotono obukamula obutunda nga kuno kwe nja okuzimbira okutandika ekkolero.

Kyokka njagala kusooka kwagazisa Abakrisitu nabo okutandika okubulima mu bungi olwo mmanye nti bwe ntandika okubukamula ate tebujja kuggwaawo.

 

OKUYAMBA ABALALA

Ffaamu eno eyamba abantu bangi naddala Abakristu b’e Buyege kubanga bafuna ekyokulabirako ne bafuna amagezi ag’obwereere okuva ku nnimiro zange nabo kye mmanyi nti bagenda ne bagateeka mu nkola ate gye bujja nja kutandika okugenda nga nnambula omu ku omu.

Ffaamu eno eyamba abavubuka naddala abaana b’amasomero abajja wano ne bannyamba okulimamu olwo ne bafuna ssente ezibaweerera kubanga abazadde abamu mu kitundu kino tebalina nsimbi kubasasulira bulungi bisale bya ssomero. Kino bakikola mu kiseera kye bamala mu luwummula.

 

OKUBAAWO KWA FAAMU NGA TALIIWO

Faaza Kimbugwe yagambye nti, “Nsuubira ne bwe ndiba nvudde e Buyege nnina essuubi ddene ffaamu eno okubeerawo kubanga faaza yenna aliddawo sirowooza nti ajja kulemwa okutwala omulimu guno mu maaso,” bwe yamalirizza.

 

Fr. Kimbugwe ng’ali mu nnimiro y’obutunda bw’alima ku kigo.


 

Courtesy of Bukedde, By Musasi wa Bukedde

Added 23rd October 2017

Bya EMMANUEL SSEKAGGO

 

 

free joomla templatejoomla template

GOLDEN JUBILEE OF EVANGELISATION

News

Today, all roads lead to St. Paul’s National Major Seminary, Kinyamasika, for the celebration of the seminary’s 25th anniversary. According to Fr Dr Lazarus Luyinda, the rector of the seminary, the celebrations will be graced by all the Catholic bishops of Uganda. Friends and benefactors of the seminary from Uganda and abroad will also grace the event.
2017-11-15 05:59:51
CLARIFICATION ON APOSTOLIC SUCCESSION: CAUSE FOR THE VALIDITY OF EPISCOPAL CONSECRATIONS IN THE CATHOLIC AND ORTHODOX CHURCHES The upcoming consecration of the self-excommunicated Priest Kibuuka Jacinto to the position of a Bishop has raised many questions in the public. The basic question that is emerging pertains: the authenticity and validity of this consecration as seen from the point of view of Antiochian Orthodox Church and the 23 independent Churches within the Catholic Church led by Pope Francis. 
2017-11-14 08:09:14

 

 

 

 

Saint Mary's Cathedral Rubaga, commonly referred to as Rubaga Cathedral, is the parent cathedral of the Roman Catholic Archdiocese of Kampala, the oldest Roman Catholic diocese in Uganda. In 1914 the missionaries began constructing a modern cathedral at Lubaga (Rubaga). Construction was completed in 1925 and St. Mary's Cathedral Rubaga was consecrated on 31 December 1925.

2017  Kampala Archdiocese