Ntwala omukisa guno okwaniriza abagenyi baffe mwenna wano e Bujuuko ku kifo kyaffe ekyabbulwamu omutuukirivu Karoli Lwanga. Olwaleero Iwa ssanyu nnyo era lunajjukirwanga mu byafayo ngatujaguza okutuuka ku lunaku luno. Bakadde baffe abaatusooka abaakola  nnyo okulaba ng’ ekifo kino kibeera ekigo olwaleero ekyaIi ekirooto kituukiridde, era nga tusagambiza wano ku nsi nsuubira nabo eyo gyebali tebaaleme kwesiima. Abo bonna omukama be yayita, tusaba Omukama abatuweere ekiwummulo eky’emirembe.

 

Okwebaza.

Njagala nnyo okwebaza mukadde waffe Cardinal Emmanuel Wamala eyatuwa ettaka eriweza acres 5 eziri wano ku kasozi Bujuuko.

Mungeri eyenjawulo neebaza kitaffe Ssaabasumba w’essaza ekkulu ery’e Kampala Dr. Cyprian Kizito Lwanga, eyatuwa Rev. Fr. Jude Ssemakula Bwanamukulu w’e Muduuma Parish etuzadde eyalaba nga ddala Bujuuko akula era ng’asaanidde okubeera ekigo. Nnyongera okwebaza omusumba eyatuwa Rev. Fr. Anthony Bbaale okututeetekateeka era atukozeemu omulimu amakula.

Kitaffe Ssabasumba tukwebaza olw’okutusabiranga bulijjo n’kutulambikanga bulijjo era twebazza n’ebyo byonna by’otuwadde ngatuli ku mulimu ogw’okuzimba.

 

Neebaza Episcopal Vicar waffe ow’e Mitala Maria Rev. Fr. Denis Ssebunnya atulambise obulungi ngatuli ku mulimu guno, Msgr Lawrence Ssemusu abadde musaale nnyo mu nteekateka eno era abadde atulambula ntakera. Chancelor Fr Joseph Mary Ssebunya tukwebaza okutulambika obulungi n’okutulambula. Pastoral co-ordinator Fr. Mark Ssajjabbi tukwebaza singa tewali gwe twandibaddewo tutya nga tetulina nsalo. Ssaabakristu w’essaza Mr. Anthony Mateega naawe tojjangookwo.

Ba Rev. Fr. Abazaalibwa mu kifo kino ne banaddiini bakoze omulimu munene mukuwagira enteekateeka zino n’okutusabira.

Hon Amelia Kyambadde akoze bingi ku kifo kino .Hon Nakawunde Sarah Temulanda atuwagidde nnyo.

Neebaza abakristu mwenna ab’ekifo kino abakola obutaweera okulaba nga tutuuka ku kkula lino. Nnyongera okwebaza Abakristu, n’abantu ba Katonda bonna ab’omwoyo omulungi okuva mu bitundu eby’enjawulo abatuwagidde nga tukola omulimu gw’okuzimba wemujje omukama abaddizewo.

Okuyozaayoza.

Njozaayoza Abakristu b’e Bujuuko mwenna okutuuka ku lunaku luno, mu ngeri y’emu nga tujaguza omwaka guno ogwa Jubileewo ey’emyaka 50 mu Ssazza eKkula enyo Kampala.

Nga nfundikira ntegeeza abakristu mwenna nti kyetubadde tulwanirira tukifunye, naye eyo ntandikwa ey’olugendo Iwaffe okuzimba omusingi omugumu ogw’obukristu era mbakubiriza tugende mu maaso n’okuzimba omusingi omunywevu ogw’obukristu.

Naffe baganda bammwe tukyali mu lutalo mutuwolereze nnyo eddini tuginyweze. Omukama abankuumire.

 

KATUSABE Joackim

 

Ssabakristu, Bujuuko Parish

free joomla templatejoomla template
Nun restores hope for children with disabilities Though society tends to under look persons with disability, Sr. Margaret Awori of St Francis Rehabilitation Centre has instead utilized her calling as a nun to uplift and empower children with disabilities.
2017-12-06 08:10:37
Message of His Grace Dr. Cyprian Kizito Lwanga on the Priestly Silver Jubilee of Rev. Fr. Dr. Joseph Sserunjogi it is with profound joy that I convey my heartfelt congratulations to our Jubilarian Rev.Fr. Dr. Joseph Sserunjogi. After twenty five years of fruitful priestly service in the Lord's vineyard, it is inevitably right to offer a thanksgiving sacrifice to the Lord for His Mercy and Goodness, because he has enabled you celebrate the mysteries of Christ faithfully and religiously as the Church has handed them down to us for the glory of God and the sanctification of Christ's people. This is the day that the Lord had made; let us rejoice and be glad in it (Ps 118:24).
2017-11-29 08:31:24
Today we are all united physically and spiritually to celebrate the Golden Jubilee of the Diocese of Jinja. It is my pleasure as Bishop to heartily welcome all of you.
2017-11-29 06:52:49
Left to Right: Jinja Diocese Bishop Charles Martin Wamika, Tororo Archbishop Emmanuel Obbo, President Museveni and Kampala Archbishop Cyprian Kizito Lwanga cut a cake during celebrations to mark 50 years of Jinja Diocese at St Joseph Cathedral in Jinja Town yesterday.
2017-11-29 06:23:37
Abantu ba Katonda mwenna era balamazi bannange. Mbaaniriza mu kifo kyaffe kino eky’e Bulimu, Omutuukirivu waffe era Omuwolereza w’e Ssaza lyaffe ery'e Lugazi, Pontiano Ngondwe we yazaalibwa (era bwe butaka bw'ab’e Nyonyi). Nnyaniriza mu ngeri ey'e njawulo Abasumba, n’Abalamazi abavudde mu masaza aga Province yaffe ey’e Kampala: Kampala, Masaka, Kiyinda - Mityana, Kasana - Luweero ne Lugazi.
2017-11-28 08:08:08

Archdiocese calendar

loader
2017  Kampala Archdiocese