SSAABASUMBA w’Essaza ekkulu erya Kampala, Dr. Cyprian Kizito Lwanga agugumbudde bannaddiini abagufudde omuze okugenda nga basindira abantu ba bulijjo ebizibu byabwe ne batuuuka n’okubitwala mu mawulire.

 

Ssaabasumba okwogera bino yabadde akulembeddemu mmisa y’okukuza olunaku lwa bannaddiini mu ssaza olukuzibwa munsi yonna nga February 2 wabula nga bo baasazeewo okulukuza ku Ssande mu Lutikko e Lubaga nga bali wamu n’omusumba waabwe.

 

Dr. Lwanga yagambye nti bannaddiini balina omukisa nti tebanoonya mmere na waakusula nga bwekiri ku bantu ba bulijjo nga talaba nsonga lwaki beemulugunya ne batuuka n’okweyisa mu mpisa ekontana ne biragaano bye bakuba. “Mbasaba mweyagalire mu buweereza bwammwe ate mubwagale nga mujjukira ebiragaano bye mwalagaanya Omukama n’okukuuma Obutuukirivu.” Ssaabasumba Lwanga bweyategeezezza Yabakuutidde okukozesa obuweereza bwabwe okuyamba abalala okudda eri Omukama nga balaga ekyokulabirako ekirungi eri abalala kibayambe okumanya Katonda.

 

Ssaabasumba era yennyamidde olw’abazadde abeesuuliddeyo ogwannaggamba mu kugunjula abaana baabwe mu ddiini n’empisa ez’obuntubulamu nga balowooza nti buvunaanyizibwa bwa bannaddiini, ekintu ekitali kituufu. Mulina okukimanya nti obunnaddiini butandikira mu maka.

 

Ate ye akulira Lutikko Rev. Fr. Joseph Mary Bbuye yasabye bannadiini okukola ennyo okulaba nga baagazisa abalala obulamu bw’obunnaddiini naddala abaana abato n’okunywerera ku biragaano bye baakuba. Bano oluvannyuma bazzeemu okukuba ebirayiro byabwe n’okuwera mu maaso ga Ssaaba­sumba nga bwe bagenda okunywerera ku birayiro byabwe.

 

PIC: Ssabasumba Dr. Lwanga ng’awa emisubbaawa gya Bannaddiini omukisa.

 

Bya Ponsiano Nsimbi

Courtesy of Bukedde, Mmande February 5, 2018

free joomla templatejoomla template
Archbishop Lwanga is upset over people who work on Sunday.  It is embarrassing for people who never respect Sunday as God’s day to think of making money.
2018-08-31 07:35:33
OUR LADY OF ASSUMPTION - MITALA MARIA PARISH A Family Day  after 119 Years 25th October 1899 - 26th August 2018 Yogaayoga nnyo Our Lady of Assumption Parish Mitala Maria; osajjakudde!!!!
2018-08-28 08:53:33
 SOLEMN BLESSING OF THE MISSIONARIES OF THE POOR  Our Lady of the Poor Sisters Convent. 18th of August, 2018
2018-08-22 08:27:13
Missionaries of the Poor opens first ever convent in Uganda. The Missionary of the Poor has two other homes – Good Shepherd Home and Busega Home for the Children.The Archbishop of Kampala, Dr. Cyprian Kizito Lwanga has opened the first ever convent in Uganda for nuns of Missionaries of the Poor at Nalukolongo-Rubaga. 
2018-08-22 06:09:07
'Although he was principled, he was a dedicated and determined priest, which all of us should emulate in our service' Long-serving priest in Kampala Archdiocese, Fr. Pio Kitanywa was laid to rest at Nabbingo parish graveyard on Monday.
2018-08-14 08:33:54

Archdiocese calendar

loader
2018  Kampala Archdiocese