SAINT JOSEPH CATHOLIC PARISH LWEZA

 

PARISH DAY - 46TH ANNIVERSARY

 

OMULAMWA:

 

"YOZEFU OMUTUUKIRIVU EKIPIMO EKITUUFU ERI ABAFUMBO N'ABAVUBUKA MU KWAGALANA N'OKUKOLA ENNYO"

 

Banna Lweza, mbalamuzizza nnyo mu linnya ly’Omukama waffe Yezu Kristu. Muyogeyoge okutuuka ku lunaku lwekifo olw’omulundi ogwa 46 bukya kikubibwawo omuteerabirwa Fr. John de Benardi (R.I.P). Tetulema era, nga tukuza olunaku luno, okwebaza Omukama ebirungi byonna byatuwadde mu bbanga eryo lyonna. Kitukakatako nno:                Okujjukira, Okujaguza ate n’okwezza Obuggya.

Mwaweebwa Yozefu Omutuukirivu Omukozi wemirimu, abawolereze, nokubasabira. Mmanyi bulungi nti nga muli wamu n’abasaserdooti bammwe, nammwe mukola butaweera okuzimba n’okunyweza Obwakabaka bwa Katonda mu Lweza ne mu Eklezia yonna okutwalira awamu. Mwebale nnyo.

Nsiima nnyo Abakristu, Abasomesa, Bassaabakristu n’abakulembeze abalala bonna abawaniridde Parish eno mu bbanga eryo lyonna. Ye ate abakulembeze abaliko kati - abaakalondebwa, ngambe ki? Mwenna mwebale nnyo. Ssirema kwongera kubakubagiza okuviibwako Rev. Fr. John Mary Vianney Mugabo eyali omukulu wekifo kino. Mmanyi bulungi nti nga ali wamu nammwe, yakikolerera nnyo era ajja kujjukirwa nnyo. Omukama amuwummuze mirembe.

Okuva ekigo kino lwekyakubibwawo, wabaddewo bingi ebituukiddwako, n’okukkiriza kugenze kukula. Mwongere nno okukunyweza n’okukuliikiriza naddala nga mubeera abeegayirizi okuviira ddala mu maka, nokujjumbira Amasacramentu. Enkulaakulana mubirabwako, nayo tugisiima, kyokka era nebisoomooza tebibuzeewo: Ebyenfuna byongedde kukaluba, abantu baffe bangi tebalina mirimu, empisa mu bangi zisiiwuuse (kyetwayitanga amayisa kati abamu gebayita empisa), obubbi nobutemu bikudde ejjembe, ate ababikola netubakubira mu ngalo,  nebasigala nga bayinaayina. Tusaana TWEZZE BUGGYA.

Nneebaza mu ngeri ey’enjawulo ekisomesa ekye Kajjansi, ekikuliddemu okujaguza okw’omwaka guno. Mwebale omukolo omulungi gwemutegese. Mwebale n’okumpita okubeera Omutambizi Omukulu. Mbaagaliza okujaguza obulungi leero negyebulijja. Mbasuubiza okwongera okubeera awamu nammwe mu nkolagana yonna nokubasabira bulijjo. “YozefuOmutuukirivuOmukoziw’emirimu,atusabire, ne Nnyaffe Maria Omubeerevu, abawambaatire”.

+ Cyprian Kizito Lwanga

Ssaabasumba

Kampala Archdiocese.

 

 

Mbalamusizza abantu ba Katonda mwenna; banna Kajjansi Sub - Parish mungeri ey’enjawulo, ate ne banna Lweza Parish okutwalira awamu. Omukama yeebale nate okutuwa omukisa n’obulamu, ne tuddamu okukungaana nga tukuza olunaku lwekikfo kyaffe kino, St. Joseph Caholic Parish Lweza : 2018.

Ku lwa Basaaserdooti bannange bwe tuweereza mu kifo kino, ne kulwa Parish Executive Committee, n’abakulembeze abalalabonna, nnyaniriza mukadde waffe Ssaabasumba Dr. Cyprian Kizito Lwanga. Mwebaza olw’okukkiriza okujja n’abeera Omutambizi Omukulu mu Missa y’olunaku lwaffe olw’omwaka guno. Tusiima nnyo n’obuweerezaabwe obulungi, obujjudde obuvumu, obumalirivu, ko n’okulengera ewala, mu Ssaza lyonna ery’e Kampala. Ku mulundi guno, omwetoloolo gw’okutegeka olunaku lwekifo olw’omwaka guno, gwayokya St. Barbara Kajjansi Sub - Parish. Neebaza ne ssekwebaza yenna Ssaabakristu omwami Ssekwe John Bosco, n’olukiiko lwo lwonna; olukiiko olutegesi - wansi wa Jjajjange Ssemuju Charles, abakristu mwenna aba Kajjansi Sub Parish, nabalala bonna ababayambyeko mukutegeka omukolo guno. Mmanyi tebibadde byangu - okusinziira ku mbeera yensi nga bweri, ate nga muli ne ku ddimu eddene ery’okusitula n’okuzimba Eklezia “Amatiribona” eyeKisomesa. Naye mufunvubidde, mubadde bamalirivu, nga mukozesa okwagala; era mukikoze. Nsaba Omukama, buli wemutodde ajjuzewo musera.

 

Naffe nga Abasaserdoti bammwe tweyama okwongera okubatusaako obuweereza obunnyikivu, ng’Omukama bwanaaba atusobozesezza.

 Olunaku lwekifo olw’omwaka guno, tulukuza nga abakulembeze abaggya (mu Eklezia) bakalondebwa nebatandika ekisanja kyabwe ekiggya. Mbaaniriza era nembagaliza obuweereza obulungi.

 Mungeri eyenjawulo, nneebaza olukiiko olukadde, wansi wa Mr. Munduni Philip, mwebale byonna byemwakola. Mulina we mwatujja, nga Parish, era mulina we mutulese, awasanyusa.

Mungeri y’emu nnyaniriza Ssaabakristu omuggya Mr. Kamwesiga James Vincent, n’olukiiko lwo lwonna. Nsiima nnyo ebbugumu n’obumalirivu bye mutandise nabyo. Ka nsuubire nti tunaabisigaza “all through. Tuvudde wala nga Parish (Tujjukire), bannaffe ababaddeko balina webatutuusizza (Tujaguze); naffe tusimbuke awo, nga tulina wetuluubirira (Twezze Buggya) naddala nga tuzimbira ku kigambo kya Katonda mu kwegayirira n’okukola (ORA ET LABORA).

 Nga Parish yonna, twakubwa omuggo omulala omunene, mu matandika g’omwaka guno, Omwagalwa waffe, Bwanamukulu, Rev. Fr. John M. Vianney Mugabo bweyafa!!! Kyatukuba wala nnyo, naye ate nga tulina okukkiriza entegeka za Mukama. Ekirungi, bingi bye yakola twabisiima, nebimu tukyabirabako. Tumalirire okubitwala mu maaso. Wabula era mbasaba tuleme kutya nnyo nakuggwamu maanyi. Omukama Katonda buli budde nabuli mbeera agifunira abakulembeze abagijaamu Munaffe tulemenga kukoowa kumusabira - Omukama amusonyiwe byonna ebyamusobako ng’omuntu, amwanirize mubwa Kabaka bwe.

 Nneebaza Basaaserdooti bannange bwe tukola omulimu wano; Fr. Ssemakula Francis Xavier Kinene, Fr. Sserugga Remegius, Fr. Oryema Dan, ne ba Father abalala bonna abava ebweru wa Lweza nebajja okutuyambako, bannange mwebale nnyo mwebalire ddala.

Abakristu mwenna aba Lweza Parish, muyogeyoge okutuuka ku kujaguza kino okw’emyaka 46 eja Parish yaffe. Tukulidde ddala nno - tutandike kwetegekera ky’ataano (Golden Jubilee). Mbakubiriza okwongera okuwagira n’okukolagana obulungi n’abakulembeze bamwe (ku mitendera gyonna).

Tufulumizza Strategic Plan 2018 - 2021. Nsaba abakristu mwenna mugiwagire nga ebadde ebatuuseeko eyo yonna gyemuli kubanga egenderedde kwongera kunnyikiza buweereza nakusitula Parish yaffe kugituusa kumutendera kwesaana okubeera. Yozefu Omutuukirivu ng’atuwolereza, twongere okubeera abamalirivu, abeegayirizi, era abakozi.

“TUJJUKIRE, TUJAGUZE, TWEZZE BUGGYA”

Mbaagaliza okujaguza obulungi emyaka 46, ate n’okuluubirira okugenda mu maaso.

Abaagala ennyo,

Rev. Fr. John Luke M. Ssebuliba

(Ayambako ku gy’omukulu w’ekifo)

 

 

THE FOLLOWING PHOTOS ARE TAKEN FROM JULIET LUKWAGO'S POST.

Many thanks to the Photographer!

 

 

 

 

 

 

 

 

 

 

 

free joomla templatejoomla template
'Although he was principled, he was a dedicated and determined priest, which all of us should emulate in our service' Long-serving priest in Kampala Archdiocese, Fr. Pio Kitanywa was laid to rest at Nabbingo parish graveyard on Monday.
2018-08-14 08:33:54
Over 30 priests, deacons ordained at Rubaga The event took place at Rubaga cathedral on Saturday.
2018-08-14 07:41:26
Rev. Fr. Ssembiito Charles of Kiyinda Mityana Diocese from Lwangiri Parish who has been serving His Lord at Our Lady of Presentation Ndibata Catholic Parish. Gone today back to whom he has been serving. May the Lord welcome his soul into His Kingdom. Thank you Lord for the life and service of Fr. Charles. Courtesy of Uganda Episcopal Conference  
2018-08-09 08:11:43
KAMPALA - The Archbishop of the Metropolitan Archdiocese of Kampala, Dr. Cyprian Kizito Lwanga has asked Catholics to shun “self-styled priests. The Archbishop said the priests hoodwink the faithful and subsequently stole their money and property. “Today we have many clerical pretenders who go to our people and promise them miracles of healing and deliverance. 
2018-08-07 07:28:21
KAMPALA – Uganda will in July 2019 be a beehive of activities after Symposium of Episcopal Conferences of Africa and Madagascar (SECAM) bishops launched the year-long Golden jubilee celebrations to climax in Kampala on July 29, 2019. Pope Francis has been invited for climax of the celebrations in Kampala, Archbishop Charles Gabriel Palmer-Buckle told journalists on Sunday. Presiding over the inaugural launch mass at Lubaga Cathedral in Kampala on Sunday, July 29, Archbishop Gabriel Mbilingi of Lubango, Angola and President of SECAM, acknowledged with appreciation the initiative of the Church leaders in Africa to speak with one voice as they gathered to share ideas for the successful celebration of the SECAM Golden Year which will be climaxed in 2019.
2018-08-02 07:50:33

Archdiocese calendar

loader
2018  Kampala Archdiocese